មិនមែនចេះតែខ្ចីទេណាបងប្អូន! មន្ត្រីថាពលរដ្ឋខ្មែរជំពាក់លុយធនាគារជិត៤ពាន់លានដុល្លារ
គិតត្រឹមដំណាច់ខែកញ្ញា ឆ្នាំ២០១៧ ប្រជាពលរដ្ឋកម្ពុជា ១,៨លាននាក់ បានជំពាក់ប្រាក់ធនាគារ ដោយមានទំហំប្រាក់កម្ចីសរុបជាង ១៦ ទ្រីលានរៀល ស្មើប្រហាក់ប្រហែល ៤ពាន់លានដុល្លារ។ នេះបើតាមការលើកឡើងរបស់ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា នៅក្នុងសិក្ខាសាលាផ្សព្វផ្សាយ ស្ដីពី "វិស័យមីក្រូហិរញ្ញវត្ថុនៅកម្ពុជា" ដែលរៀបចំឡើង ដោយធនាគារជាតិនៃកម្ពុជា នៅខេត្តកំពង់ចាម កាលពីថ្ងៃទី៣០ ខែវិច្ឆិកា ឆ្នាំ២០១៧។
ឯកឧត្តម ជា ចាន់តូ ឲ្យដឹងថា ចំពោះប្រាក់បញ្ញើវិញ គឺមានប្រមាណ ៨ទ្រីលានរៀល ស្មើប្រហាក់ប្រហែល ១,៩៥ ពាន់លានដុល្លារ ដែលប្រាក់ទាំងនេះ គឺទទួលបានពីអ្នកផ្ញើ មានជាង ១,៧លាននាក់។ ឯកឧត្តម បន្តថា ទោះបីជាវិស័យមីក្រូហិរញ្ញវត្ថុមានការរីកចម្រើនយ៉ាងណាក៏ដោយ ប៉ុន្តែនៅតែព្រួយបារម្ភក្នុងវិស័យនេះ ព្រោះថាប្រជាពលរដ្ឋទាំងនោះបានខ្ចីលុយធនាគារ ដោយហេតុថាដើម្បីយកទៅប្រើប្រាស់ក្នុងការប្រកបមុខរបរ ឬអាជីវកម្មរបស់ពួកគេ។ ប៉ុន្តែឯកឧត្តមបារម្ភថាៈ «វិស័យមួយនេះ មានបញ្ហាប្រឈមមួយចំនួន ដូចជា ការខ្ចីរបស់ប្រជាពលរដ្ឋក្រីក្រ កាន់តែជំពាក់បំណុលវ័ន្តក ដោយសារការប្រើប្រាស់មិនចំទិសដៅ»។
ឯកឧត្តម ជា ចាន់តូ ឲ្យដឹងថា ចំពោះប្រាក់បញ្ញើវិញ គឺមានប្រមាណ ៨ទ្រីលានរៀល ស្មើប្រហាក់ប្រហែល ១,៩៥ ពាន់លានដុល្លារ ដែលប្រាក់ទាំងនេះ គឺទទួលបានពីអ្នកផ្ញើ មានជាង ១,៧លាននាក់។ ឯកឧត្តម បន្តថា ទោះបីជាវិស័យមីក្រូហិរញ្ញវត្ថុមានការរីកចម្រើនយ៉ាងណាក៏ដោយ ប៉ុន្តែនៅតែព្រួយបារម្ភក្នុងវិស័យនេះ ព្រោះថាប្រជាពលរដ្ឋទាំងនោះបានខ្ចីលុយធនាគារ ដោយហេតុថាដើម្បីយកទៅប្រើប្រាស់ក្នុងការប្រកបមុខរបរ ឬអាជីវកម្មរបស់ពួកគេ។ ប៉ុន្តែឯកឧត្តមបារម្ភថាៈ «វិស័យមួយនេះ មានបញ្ហាប្រឈមមួយចំនួន ដូចជា ការខ្ចីរបស់ប្រជាពលរដ្ឋក្រីក្រ កាន់តែជំពាក់បំណុលវ័ន្តក ដោយសារការប្រើប្រាស់មិនចំទិសដៅ»។
Comments
Post a Comment