អស្ចារ្យមែន! ឈុតគ្រឿងអលង្ការមាសខ្មែរនាសម័យអង្គរដែលបាត់ ត្រូវយកមកដល់វិញស្អែកហើយ
ឈុតគ្រឿងអលង្ការមាសខ្មែរនាសម័យអង្គរដែលបានបាត់បង់ពីកម្ពុជាជាយូរមកហើយនោះនឹងត្រូវនាំយកពីអង់គ្លេសមកដល់កម្ពុជាវិញនៅថ្ងៃស្អែកពេលព្រឹក។ ឈុតគ្រឿងអលង្ការមាសសម្រាប់លម្អរូបចម្លាក់នាសម័យអង្គរ ដែលត្រូវនាំមកវិញនោះរួមមានម្កុដ១ ក្បាច់ពាក់សៀតផ្កា១គូ ក្រវិល១គូ ខ្សែក១ ស្នាប់ដៃ១គូ ខ្សែពាក់ឈៀង(ក្រវាត់ទ្រូង) ១គូ និងខ្សែចង្កេះ១។ ឈុតគ្រឿងអលង្ការមាសនេះស្ថិតក្នុងសម័យអង្គររវាងសតវត្សរ៍ទី១១ និង១២នៃគ្រិស្ដសករាជ។
ឯឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (សសយក)ដែលបានចូលរួមទៅទទទួលយកឈុតគ្រឿងអលង្ការទាំងនេះបានសរសេរសារនៅលើទំព័រហ្វេប៊ុកនារសៀលនេះដោយអំពាវនាវឲ្យពលរដ្ឋចូលរួមដង្ហែរបេតិកភណ្ឌជាតិមួយនេះ។ ឯឧត្តមសរសេរថា៖ «ពួកយើងកំពុងត្រឡប់ទៅវិញហើយ...សូមចូលរួមជាមួយពួកយើងទាំងអស់គ្នា អបអរបេតិកភណ្ឌជាតិរបស់យើងនៅសារមន្ទីរជាតិនៅថ្ងៃទី២ ខែធ្នូ ពេលព្រឹក»។
Comments
Post a Comment