ក្រសួងអប់រំអាចទទួលបានថវិកាសម្រាប់ឆ្នាំ២០១៨ ជិត២០០លានដុល្លារ លើសឆ្នាំចាស់
ក្រសួងអប់រំអាចនឹងទទួលបានថវិកាសម្រាប់ឆ្នាំ២០១៨រហូតដល់ជាង៨០០លានដុល្លារ កើនជិត២០០លានលើសឆ្នាំ២០១៧។ ក្នុងជំនួបជាមួយលោក Wener Langen ប្រធានគណៈកម្មាធិការកិច្ចការសេដ្ឋកិច្ច និងរូបិយវត្ថុរបស់សហភាពអ៊ឺរ៉ុប នៅទីស្តីការក្រសួង កាលពីថ្ងៃទី៣១ ខែតុលា ឯកឧត្តម អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ចបានលើកឡើងថា សមិទ្ធផលទាំងនេះ គឺបានមកពីកំណែទម្រង់ការគ្រប់គ្រង់ហិរញ្ញវត្ថុសាធារណៈ ដែលថាអាចឲ្យរាជរដ្ឋាភិបាលអាចសន្សំថវិកា និងវិភាជថវិកា ទៅតាមក្រសួងស្ថាប័ននីមួយៗចំគោលដៅ។
ថវិការបស់ក្រសួងអប់រំ យុវជន និងកីឡា ធៀបនឹងចំណាយចរន្តថ្នាក់ជាតិវិញ គឺបានកើនឡើងពី១៤,៥% នៅឆ្នាំ២០១៣ ដល់ ១៨,៣% នៅក្នុងឆ្នាំ២០១៧។ នេះបើតាមសេចក្តីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុកាលពីពេលថ្មីៗនេះ។ កាលពីថ្ងៃទី២៧ខែតុលា គណៈរដ្ឋមន្ត្រី បានសម្រេចលើសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៨ ដែលក្នុងនោះរដ្ឋាភិបាលបានកំណត់ចំណាយថវិកាជាតិប្រមាណជាង៦ពាន់លានដុល្លារ កើនឡើង ១៥,២ភាគរយ ធៀបនឹងថវិកាក្នុងច្បាប់ឆ្នាំ២០១៧។ ថវិកាចំណាយនេះគឺស្មើ ២៤,៥៩ភាគរយនៃផលិតផលជាតិសរុប (GDP) ។ តួលេខខាងលើនេះបានធ្វើឱ្យថវិកាចំណាយលើវិស័យអប់រំកើនពី៦៧៩លានដុល្លារនៅឆ្នាំ២០១៧ ដល់ ៨៥២លានដុល្លារនៅឆ្នាំ២០១៨បើគ្មានការកែប្រែណាមួយ និងបានការអនុម័តយល់ព្រមពីសភាជាតិ៕ អត្ថបទដោយ៖ សុផល
ថវិការបស់ក្រសួងអប់រំ យុវជន និងកីឡា ធៀបនឹងចំណាយចរន្តថ្នាក់ជាតិវិញ គឺបានកើនឡើងពី១៤,៥% នៅឆ្នាំ២០១៣ ដល់ ១៨,៣% នៅក្នុងឆ្នាំ២០១៧។ នេះបើតាមសេចក្តីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុកាលពីពេលថ្មីៗនេះ។ កាលពីថ្ងៃទី២៧ខែតុលា គណៈរដ្ឋមន្ត្រី បានសម្រេចលើសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៨ ដែលក្នុងនោះរដ្ឋាភិបាលបានកំណត់ចំណាយថវិកាជាតិប្រមាណជាង៦ពាន់លានដុល្លារ កើនឡើង ១៥,២ភាគរយ ធៀបនឹងថវិកាក្នុងច្បាប់ឆ្នាំ២០១៧។ ថវិកាចំណាយនេះគឺស្មើ ២៤,៥៩ភាគរយនៃផលិតផលជាតិសរុប (GDP) ។ តួលេខខាងលើនេះបានធ្វើឱ្យថវិកាចំណាយលើវិស័យអប់រំកើនពី៦៧៩លានដុល្លារនៅឆ្នាំ២០១៧ ដល់ ៨៥២លានដុល្លារនៅឆ្នាំ២០១៨បើគ្មានការកែប្រែណាមួយ និងបានការអនុម័តយល់ព្រមពីសភាជាតិ៕ អត្ថបទដោយ៖ សុផល
Comments
Post a Comment